काठमाडौं ।
इलाम र बझाङमा हुने उप निर्वाचनका लागि निर्वाचन कार्यक्रम सार्वजनिक गरिएको छ । निर्वाचनको मिति निर्धारण गरेको भोलिपल्ट निर्वाचन आयोगले निर्वाचन कार्यक्रम सार्वजनिक गरेको हो । जसअनुसार फागुन २४ देखि ३० गतेसम्म दल दर्ताको समय तोकिएको छ ।
२४ चैतमा उम्मेदवारी दर्ता हुनेछ भने २७ गते अन्तिम नामावली प्रकाशन गरेर निर्वाचन चिन्ह प्रदान गरिनेछ । चैत २८ देखि वैशाख १२ गतेसम्म निर्वाचन प्रसार प्रसारको अवधि तोकिएको निर्वाचन आयोगले जनाएको छ । वैशाख १५ मा बिहान ७ बजेदेखि बेलुकी ५ बजे सम्म मतदान कार्य हुनेछ ।
